సిడ్నీలో BRS ఆస్ట్రేలియా ఆధ్వర్యంలో కేటీఆర్ 50వ జన్మదిన వేడుకలు

BRS ఆస్ట్రేలియా నాయకుడు రాజేశ్ గిరి రాపోలు నేతృత్వంలో సిడ్నీలో కేటీఆర్ 50వ జన్మదిన వేడుకలు ఘనంగా నిర్వహించారు. ఈ కార్యక్రమంలో BRS కార్యకర్తలు కేటీఆర్ నాయకత్వాన్ని గుర్తుచేసుకుంటూ జన్మదిన శుభాకాంక్షలు తెలిపారు.

తెలంగాణ ఉద్యమంలో, రాష్ట్ర నిర్మాణంలో కేటీఆర్ పోషించిన పాత్రను కొనియాడారు. యువతకు ఆయన స్ఫూర్తి అని, ఆయన రాజకీయ ప్రస్థానం ఎంతో మందిని ఆకట్టుకుందని రాజేశ్ గిరి రాపోలు పేర్కొన్నారు. BRS ఆస్ట్రేలియా తరఫున కేటీఆర్‌కు శుభాకాంక్షలు తెలిపారు. కేటీఆర్ ఈ నెల 24న 50వ జన్మదినం జరుపుకోనున్నారు.