20 వేల కానిస్టేబుల్ ఉద్యోగాల భర్తీపై కేటీఆర్ బహిరంగ లేఖ

BRS వర్కింగ్ ప్రెసిడెంట్ కేటీఆర్ తెలంగాణ సీఎం రేవంత్ రెడ్డికి బహిరంగ లేఖ రాశారు. రాష్ట్రంలో ఖాళీగా ఉన్న 20,000 కానిస్టేబుల్ పోస్టులను వెంటనే భర్తీ చేయాలని ఆయన డిమాండ్ చేశారు.

"ప్రభుత్వం 17,000 పోస్టులు ఖాళీగా ఉన్నాయని చెబుతోంది. కానీ ఒక్క ఉద్యోగం కూడా భర్తీ చేయలేదు" అని లేఖలో పేర్కొన్నారు. పోటీ పరీక్షల కోసం కష్టపడుతున్న నిరుద్యోగ యువత ఆశలను నీరు కార్చొద్దని కోరారు.

ఎన్నికల సమయంలో కాంగ్రెస్ ఇచ్చిన హామీలు నిలబెట్టుకోకపోతే రాష్ట్ర యువత తీవ్ర ఆగ్రహం వ్యక్తం చేస్తుందని కేటీఆర్ హెచ్చరించారు. నిరుద్యోగుల కష్టాలను ప్రభుత్వం గుర్తించాలని అన్నారు.

కాగా, ఈ లేఖపై సీఎం లేదా ప్రభుత్వ అధికారుల నుంచి ఇప్పటివరకు స్పందన రాలేదు. ఉద్యోగ ప్రకటనలపై కాంగ్రెస్ ప్రభుత్వం నుంచి అధికారిక ప్రకటన రావాల్సి ఉంది.