కుడంకుళం అణు ప్లాంట్ రహస్య ఫైళ్లు లీక్: 19,000 పత్రాలు బయటపడ్డాయి

తమిళనాడులోని కుడంకుళం అణు విద్యుత్ కేంద్రానికి సంబంధించిన 19,000 రహస్య ఫైళ్లు లీక్ అయ్యాయి. ‘వరల్డ్ లీక్స్’ అనే అంతర్జాతీయ హ్యాకర్ల బృందం ఈ సైబర్ దాడికి పాల్పడిందని తాజా నివేదికలు సూచిస్తున్నాయి.

ఈ ప్లాంట్‌కు కాంట్రాక్టర్‌గా పనిచేసే అనిల్ అంబానీకి చెందిన రిలయన్స్ గ్రూప్ సర్వర్ల నుంచి ఈ డేటా చోరీ జరిగినట్లు తెలుస్తోంది. యోటా అనే థర్డ్‌పార్టీ డేటా సెంటర్ ఉపయోగించే సర్వర్లపై దాడి జరిగిందని రిలయన్స్ కూడా ధృవీకరించింది.

లీక్ అయిన ఫైళ్లలో ప్లాంట్ బ్లూప్రింట్లు, కీలక పరికరాల నివేదికలు ఉన్నాయి. 2016 నుంచి 2025 మధ్య కాలంలో సేకరించిన ఈ డేటాలో 2027 నాటికి పూర్తి కావాల్సిన కొత్త యూనిట్లు (యూనిట్లు 3, 4) రూపకల్పన వివరాలు కూడా ఉన్నాయి.

కుడంకుళం అణు విద్యుత్ కేంద్రం దేశంలోనే అతిపెద్ద అణు ప్రాజెక్టు. ప్రస్తుతం రెండు యూనిట్లు విద్యుత్‌ ఉత్పత్తి చేస్తున్నాయి. కొత్త యూనిట్ల సామర్థ్యం కూడా భారీగా ఉండటంతో ఈ డేటా లీక్ అణుభద్రతపై తీవ్ర చర్చకు దారితీసింది.

వరల్డ్ లీక్స్ గ్రూప్ ఇంతకుముందు టాటా, నైక్ వంటి బహుళజాతి కంపెనీల డేటా దొంగిలించి బ్లాక్‌మెయిల్ చేసిన సంఘటనలు జరిగాయి. తాజా లీక్ నేపథ్యంలో భారత సైబర్ భద్రతా సంస్థల దాడి చేసేందుకు పెద్ద అవకాశంగా మారిందని నిపుణులు హెచ్చరిస్తున్నారు. ఈ ఘటనపై అధికారులు దర్యాప్తు ప్రారంభించారు.