శుక్రవారం లక్ష్మీ కుబేర మంత్రాన్ని 21 సార్లు జపించే విధానం, అర్థం

శుక్రవారం రోజున లక్ష్మీదేవి, కుబేరుడి అనుగ్రహం కోసం ధనాకర్షణ లక్ష్మీ కుబేర మంత్రాన్ని 21 సార్లు జపించడం ఆనవాయితీగా చెప్తున్నారు. ఈ మంత్రం ధనాకర్షణకు ప్రత్యేకమైనదని మంత్రశాస్త్రంలో వివరణ ఉంది.

ఇంట్లో దీపారాధన చేసిన తర్వాత ఈ మంత్రాన్ని జపించాలని సూచించారు. మంత్రం ఇది: ఓం ధనద సౌభాగ్య లక్ష్మీ కుబేర వైశ్రవణాయ మమ కార్య సిద్ధిం కురుకురు స్వాహ.

ఈ మంత్రంలో ధనద సౌభాగ్య లక్ష్మీ కుబేర అంటే లక్ష్మీదేవిని, కుబేరుడిని స్మరించుకోవడం. వైశ్రవణాయ అంటే విశ్రవణ మహర్షి కుమారుడు అని అర్థం. మమ కార్య సిద్ధిం కురుకురు స్వాహ అంటే పనులు త్వరగా పూర్తవ్వాలని ప్రార్థించడం.

జపం చేసేటప్పుడు లక్ష్మీ కుబేర చిత్రపటాన్ని ఏర్పాటు చేసి, దీపం వెలిగించాలి. తీపి పదార్థాలు నైవేద్యంగా పెట్టి, ధూపం వేయాలని సూచించారు. ఈ మంత్రం వల్ల ధనాకర్షణ పెరుగుతుందని, సంపాదించిన డబ్బు నిలుస్తుందని, వృధా ఖర్చులు తగ్గుతాయని భక్తులు విశ్వసిస్తారు.