దుర్గాదేవికి నిమ్మకాయల దండ ఎందుకు సమర్పిస్తారు? ఆధ్యాత్మిక విశ్వాసం ఇదే

దుర్గాదేవికి, గ్రామ దేవతలకు పూల దండలు కాకుండా నిమ్మకాయల దండలు సమర్పించే ఆచారం ఉంది. ఈ దండను లక్ష్మీదేవికి కాకుండా దేవీ స్వరూపాలకు మాత్రమే సమర్పిస్తారు.

ఆధ్యాత్మిక విశ్వాసం ప్రకారం అమ్మవారి తామస గుణాన్ని నిమ్మకాయలోని పులుపు శాంతింపజేస్తుంది. రాహుకాలంలో, మంగళ, శుక్రవారాల్లో పసుపు రంగు నిమ్మకాయలతో దండను సమర్పిస్తారు. ఈ దండలో 18, 54 లేదా 108 నిమ్మకాయలు ఉంటాయి. ఈ దండ వల్ల రాహు దోషాలు, శత్రు పీడలు తొలగుతాయని నమ్ముతారు.

నిమ్మకాయ గాలిలోని ప్రతికూల శక్తిని, దృష్టి దోషాలను లాగేస్తుందని విశ్వాసం. అయితే ఈ దండను ఇంటి పూజ గదిలో కాకుండా గుడిలోని అమ్మవారికి మాత్రమే సమర్పించాలని చెప్తారు. గుడిలో పూజించిన నిమ్మకాయను తెచ్చి ఇంటి గుమ్మానికి కడితే రక్షణ వలయం ఏర్పడుతుందని విశ్వసిస్తారు.