లులు మాల్ రాద్దాంతంలో గన్ స్వాధీనం; భద్రత లోపంపై పోలీసుల కేసు

హైదరాబాద్‌లోని లులు మాల్ పార్కింగ్‌లో రెండు కుటుంబాల మధ్య గొడవ జరిగింది. పోలీసులు ఘటనా స్థలానికి చేరుకుని ఇరువర్గాల మధ్య జోక్యం చేసుకుంటుండగా ఓ వ్యక్తి వద్ద గన్ ఉన్నట్లు గుర్తించారు.

పాతబస్తీకి చెందిన సిద్దీక్ నుంచి పోలీసులు గన్ను స్వాధీనం చేసుకున్నారు. సిఐ రాజశేఖర్ రెడ్డి ఆ గన్ను సీజ్ చేశారు. సిద్దీక్ వద్ద గన్ లైసెన్స్ ఉన్నట్లు తేలింది.

మాల్ లోపలికి వచ్చే సమయంలో సెక్యూరిటీ సిబ్బంది సరైన తనిఖీలు చేయలేదని పోలీసులు గుర్తించారు. ఈ నేపథ్యంలో మాల్ పై భద్రతా లోపాల కేసు నమోదు చేశారు. ప్రస్తుతం ఈ ఘటనపై దర్యాప్తు కొనసాగుతోంది.