మధు కాలనీలో డ్రైనేజీ నీరు నిలిచి ఇబ్బందులు; దోమలతో జనం బేజారు

మధు కాలనీలో ఇళ్ల మధ్య డ్రైనేజీ నీరు నిలిచిపోవడంతో ప్రజలు తీవ్ర ఇబ్బందులు ఎదుర్కొంటున్నారు. వెంచర్‌కు సంబంధం లేని డ్రైనేజీ కనెక్షన్ నుంచి నీరు వచ్చి ఇళ్ల ముందు నిలుస్తోందని కాలనీవాసులు తెలిపారు.

నీటి వల్ల వాసన వస్తోందని, దోమలు పెరిగి పిల్లలకు జ్వరం, డెంగు, టైఫాయిడ్, మలేరియా వంటి వ్యాధులు వస్తున్నాయని వారు ఆందోళన వ్యక్తం చేస్తున్నారు. ఈ సమస్య నాలుగైదు నెలలుగా కొనసాగుతోందని ప్రజలు అంటున్నారు.

దీనిపై మున్సిపల్ కమిషనర్, చైర్మన్, స్పీకర్ వరకు దాదాపు 10 ఫిర్యాదులు ఇచ్చినా పరిష్కారం లభించలేదని వారు తెలిపారు. ఈ విషయంపై అధికారుల స్పందన లభ్యం కాలేదు.