మహారాష్ట్ర వరదల్లో HPCL ప్లాంట్ నుంచి 3,000 LPG సిలిండర్లు కొట్టుకుపోయాయి

మహారాష్ట్రలో భారీ వర్షాలకు రాయగడ జిల్లాలోని HPCL గ్యాస్ సిలిండర్ల ప్లాంట్ నీట మునిగింది. దీంతో పాతాళ గంగా నదిలోకి సుమారు 3,000 సిలిండర్లు కొట్టుకుపోయాయి.

ప్లాంట్‌లో నిండిన, ఖాళీ సిలిండర్లు రెండూ నీటిలో కలిసిపోవడంతో అధికారులు హెచ్చరికలు జారీ చేశారు. ఈ సిలిండర్లు సురక్షిత స్థితిలో ఉన్నాయో లేదో, వాటిలో గ్యాస్ ఉందో లేదో చెప్పలేమని, వాటిని ఎత్తుకోవడం, ఇంటికి తీసుకెళ్లడం అత్యంత ప్రమాదకరమని తెలిపారు.

నది లేదా నదీ పరిసరాల్లో ఎక్కడైనా సిలిండర్లు కనిపిస్తే వెంటనే స్థానిక అధికారులు, పోలీసులకు లేదా విపత్తు నిర్వహణ సిబ్బందికి సమాచారం ఇవ్వాలని జిల్లా అధికారులు విజ్ఞప్తి చేశారు. కొట్టుకుపోయిన సిలిండర్లను గుర్తించడానికి ప్రత్యేక బృందాలు రంగంలో ఉన్నాయి.

సిలిండర్లు నీటిలో కొట్టుకెళ్తున్న వీడియో సోషల్ మీడియాలో వైరల్‌గా మారింది. రాయగడ జిల్లాలో ప్రజలు అధికారుల సూచనలను తప్పక పాటించాలని యంత్రాంగం కోరింది.