చెరువుగట్టులో భారీ అగ్నిప్రమాదం: కోట్ల రూపాయల ఆస్తి నష్టం

నల్గొండ జిల్లా చెరువుగట్టు గ్రామంలో తెల్లవారుజామున ఓ షాపింగ్ సముదాయంలో పెద్ద అగ్నిప్రమాదం జరిగింది. ఈ ప్రమాదంలో దాదాపు రూ.40 లక్షల నగదు, బంగారం, దుస్తులు సహా పూర్తిగా కాలిపోయాయి.

బాధితురాలు వృద్ధ మహిళ కన్నీరుమున్నీరుగా విలపిస్తూ, 'ఇంటి నిర్మాణం కోసం తెచ్చుకున్న నగదు, 40 తులాల బంగారం, చీరలు మొత్తం కాలిపోయాయి. మంటలు వ్యాపించే ముందు పొగ రావడంతో వెనుక గోడ దూకి ప్రాణాలు కాపాడుకున్నాం' అని తెలిపారు. స్థానిక వ్యక్తి శ్రవణ్ శెట్టి ముందుగా ఫోన్ చేసి హెచ్చరించాడని, వెంటనే కిందికి దిగేలోపటికే మంటలు వ్యాపించాయని చెప్పారు.

గ్రామస్తులు బకెట్లతో మంటలను ఆర్పే ప్రయత్నం చేసినప్పటికీ ఫలితం లేకపోయింది. 101 నంబరుకు ఫోన్ చేసినా స్పందన ఆలస్యమైందని, అగ్నిమాపక సిబ్బంది ఘటనా స్థలానికి చేరుకోవడానికి ఒక గంట పట్టిందని బాధితులు వెల్లడించారు. ఈ ప్రమాదంలో ప్రాణ నష్టం జరగలేదు. అగ్నిమాపక అధికారులు మంటలను అదుపు చేసి, సహాయక చర్యలు చేపట్టారు. నష్టం విలువ కోట్లలో ఉంటుందని అంచనా.