హైదరాబాద్ గుడిమల్కాపూర్‌లో ఫర్నిచర్ గోదాంలో భారీ అగ్ని ప్రమాదం

హైదరాబాద్‌లోని గుడిమల్కాపూర్ పోలీస్ స్టేషన్ పరిధిలో ఫర్నిచర్ గోదాంలో భారీ అగ్ని ప్రమాదం జరిగింది.

మొగల్ కానాల్ సమీపంలోని ఈ గోదాంలో ఒక్కసారిగా మంటలు చెలరేగాయి. మంటలు పెరగడంతో పరిసర ప్రాంతాల్లో దట్టమైన పొగ అలుముకుంది. స్థానికులు తీవ్ర భయాందోళనకు గురయ్యారు.

సమాచారం అందుకున్న అగ్నిమాపక సిబ్బంది వెంటనే ఘటనా స్థలానికి చేరుకున్నారు. మంటలను అదుపులోకి తీసుకొచ్చేందుకు సహాయ చర్యలు కొనసాగుతున్నాయి.

ప్రమాదానికి కారణం ఇంకా తెలియలేదు. షార్ట్ సర్క్యూట్ కావచ్చా, ఇతర కారణాలేమైనా ఉన్నాయా అని అధికారులు దర్యాప్తు చేస్తున్నారు. ప్రస్తుతం రెస్క్యూ ఆపరేషన్ కొనసాగుతోంది.