మత్స్య పురాణం: ఇంటి నిర్మాణానికి అనుకూలమైన, ప్రతికూలమైన స్థల ఆకారాలు

పురాతన హిందూ గ్రంథమైన మత్స్య పురాణంలో ఇంటి నిర్మాణానికి 17 రకాల స్థల ఆకారాలు, వాటి ఫలితాలు వివరించారు.

మంచి ఫలితాలిచ్చే ఆకారాలు: దీర్ఘ చతురస్రం (రెక్టాంగిల్) లో ఇల్లు కడితే సర్వకార్య సిద్ధి, లాభం, జయం కలుగుతాయి. చతురస్రం (స్క్వేర్) లో నిర్మిస్తే ధనం పెరుగుతుంది. వృత్తాకార (సర్కిల్) స్థలం శరీర, బుద్ధి వికాసాన్ని, ధన ప్రాప్తిని కలిగిస్తుంది. భద్రాసనాకారం (90 డిగ్రీలతో నాలుగు మూలలు) కార్యసిద్ధి, ధనలాభం ఇస్తుంది.

ప్రతికూల ఆకారాలు: చక్రాకారం (బండి చక్రం లాంటి) లో ఇల్లు కడితే దారిద్ర్యం, ఆర్థిక సమస్యలు వస్తాయి. విషమ బాహ్వాకారం (ఎక్కువ భుజాలు) శోకం, పేదరికం కలిగిస్తుంది. త్రికోణాకారం (ట్రయాంగిల్) శత్రుభయం, ధనవ్యయం, అధికారుల భయం కలిగిస్తుంది. కుండాకారం అనారోగ్యం, శకటాకారం (బండి) సుఖ సౌఖ్యాలు నశింపజేస్తుంది. దండాకారం (కర్ర) పశుసంపదను తగ్గిస్తుంది. పణవాకారం (వీణ లాంటి) నేత్ర సమస్యలు, ధనుషాకారం (విల్లు) దొంగల భయం, బృహన్ముఖకారం (వెడల్పైన ముందుభాగం) బంధువులకు అరిష్టం, వ్యజనాకారం (విసనకర్ర) ధననాశనం, కూర్మ పృష్టాకారం (తాబేలు) కష్టాలు, ధన ఖర్చు, మురజాకారం (మధ్యల) వంశహాని, భార్యకు కష్టాలు, సూర్పాకారం (చాట) ధననష్టం కలిగిస్తాయి.

మత్స్య పురాణం ప్రకారం ఎక్కువగా దీర్ఘచతురస్రం లేదా చతురస్రాకార స్థలాన్ని ఇంటి నిర్మాణానికి ఎంచుకోవడం శుభప్రదం.