మెదక్ జిల్లా ఎల్లాపూర్‌లో ప్రేమ వివాహం చేసుకున్న వధువును బంధువులు బలవంతంగా తీసుకెళ్లారు

మెదక్ జిల్లా ఎల్లాపూర్‌లో ప్రేమ వివాహం చేసుకున్న నూతన వధువును ఆమె కుటుంబ సభ్యులు బలవంతంగా తీసుకెళ్లారు. ఈ ఘటన స్థానికంగా కలకలం రేపింది.

నాలుగు కార్లలో వచ్చిన బంధువులు యువతి భర్త ఇంటిపై దాడి చేశారు. అడ్డుకున్న వారిపై కూడా దాడి చేసిన బంధువులు, యువతిని బలవంతంగా తీసుకెళ్లారు. ఈ మొత్తం దృశ్యాలు సీసీటీవీ కెమెరాలో రికార్డయ్యాయి.

యువతి కుటుంబంపై భర్త ప్రణయ్ కుటుంబం పోలీసులకు ఫిర్యాదు చేసింది. ఫిర్యాదు చేసినా పోలీసులు పట్టించుకోవడం లేదని బాధిత కుటుంబం ఆరోపించింది. ఈ విషయంపై పోలీసుల స్పందన తెలియాల్సి ఉంది.