పాల స్వచ్ఛతను ఇంట్లోనే పరీక్షించే ఐదు సులువైన చిట్కాలు

ప్రతిరోజు మన ఇంటికి వచ్చే పాలలో కల్తీ జరిగే అవకాశం ఉంది. నీరు, డిటర్జెంట్, స్టార్చ్, యూరియా వంటి హానికర పదార్థాలు కలిపి అమ్మడం కొన్ని ప్రాంతాల్లో జరుగుతోంది.

అయితే ల్యాబ్‌కు పంపకుండానే ఇంట్లోనే సరళమైన పద్ధతులతో పాల నాణ్యతను తెలుసుకోవచ్చు. మొదట నీటి పరీక్ష చేస్తే, ఒక గాజు పలకపై చుక్క పాలు వేయాలి. స్వచ్ఛమైన పాలు నెమ్మదిగా జారి వెనుక తెల్లటి గీత ఏర్పడతాయి. నీరు కలిపితే గీత కనిపించదు.

డిటర్జెంట్ ఉందో లేదో తెలుసుకోవడానికి పాలు, నీళ్ళు సమానంగా తీసుకొని బాగా షేక్ చేయాలి. మందం నురుగు వచ్చి ఎక్కువసేపు నిలిస్తే డిటర్జెంట్ కలిపినట్లు అనుమానించవచ్చు.

స్టార్చ్ పరీక్ష కోసం చల్లారిన పాలలో అయోడిన్ ద్రావణం వేస్తే నీలం లేదా నలుపు రంగు కనిపిస్తే స్టార్చ్ కల్తీ నిర్ధారించవచ్చు. యూరియా పరీక్షలో సోయాబీన్ పొడి వాడి, లిట్మస్ పేపరు రంగు మార్పును గమనించాలి. సింథటిక్ పాలను చేతి వేళ్ళ మధ్య రుద్దితే సబ్బులా జారుడుగా ఉంటాయి.

ఇవి ప్రాథమిక పరీక్షలు మాత్రమే. ఖచ్చితమైన విషయం తెలుసుకోవడానికి అధికారిక ల్యాబ్ ద్వారా పరీక్షించించడం మంచిది. పాలు నాణ్యతపై అనుమానం ఉంటే వాటిని వాడకుండా ఉండటం కుటుంబ ఆరోగ్యానికి అవసరం.