మునగాకు పొడి వల్ల ఇమ్యూనిటీ పెరుగుతుంది: గ్రీన్ ఆల్కెమీ వ్యవస్థాపకురాలు అరుణ

మునగాకులో ఐరన్, విటమిన్ ఏ, ఇతర విటమిన్లు, ప్రోటీన్, యాంటీ ఆక్సిడెంట్లు సమృద్ధిగా ఉంటాయని గ్రీన్ ఆల్కెమీ వ్యవస్థాపకురాలు అరుణ తెలిపారు. ఇవి శరీరంలో వ్యాధి నిరోధక శక్తిని పెంచుతాయని, నీరసాన్ని తగ్గించి శక్తినిస్తాయని ఆమె వివరించారు.

తాము 100 ఎకరాల్లో మునగ సాగు చేస్తున్నామని, అందుకే ఎనర్జిటిక్‌గా ఉన్నామని అరుణ చెప్పారు. రక్తం శాతం తక్కువగా ఉన్నవారికి, ప్రోటీన్ లోపం ఉన్నవారికి మునగాకు మంచి పరిష్కారం అని ఆమె సూచించారు.

పచ్చి ఆకులు ఎక్కువగా తినడం కష్టం కాబట్టి, ఒక చెంచా మునగాకు పొడిని నీళ్లలో కలిపి తాగొచ్చని, లేదా చపాతీ, దోసె, ఇడ్లీ వంటి వంటల్లో కలుపుకోవచ్చని అరుణ తెలిపారు. గ్రీన్ ఆల్కెమీ ఈ మునగాకు పొడిని సులభంగా వంటల్లో చేర్చుకునేలా రూపొందించినట్లు ఆమె పేర్కొన్నారు.