మూసీ డీసిల్టింగ్ టెండర్ రద్దు: అవకతవకలు ధ్రువీకరించిన GHMC

GHMC కార్వాన్ సర్కిల్ పరిధిలోని మూసీ డీసిల్టింగ్ టెండర్‌ను రద్దు చేసింది. అవకతవకల ఆరోపణలపై జరిపిన విచారణలో అధికారులు వాటిని ధ్రువీకరించడంతో ఈ నిర్ణయం తీసుకున్నారు.

పురాణపూర్ బ్రిడ్జ్ నుంచి అత్తాపూర్ బ్రిడ్జ్ వరకు డీసిల్టింగ్ పనులకు ఈ టెండర్ ఎగ్జిక్యూటివ్ ఇంజనీర్ లాల్ సింగ్ విడుదల చేశారు. 26% తక్కువ ధర కోట్ చేసిన బిడ్డర్ స్థానంలో కేవలం 2% తక్కువ ధర కోట్ చేసిన సంస్థకు టెండర్ కేటాయించినట్లు కాంట్రాక్టర్లు ఆరోపించారు. సరికొత్త నిబంధనలు పెట్టి తమకు అనుకూల సంస్థకు అవకాశం కల్పించారని వారు ఫిర్యాదు చేశారు.

ఈ ఫిర్యాదుల మేరకు ఉన్నతాధికారులు విచారణ చేపట్టారు. GO 66 నిబంధనలకు విరుద్ధంగా టెండర్ షరతులు రూపొందించినట్లు గుర్తించారు. టెండర్ ప్రక్రియలో అక్రమాలు జరిగినట్లు నిర్ధారించారు. దీంతో టెండర్ రద్దు చేస్తూ GHMC నిర్ణయం తీసుకుంది. లాల్ సింగ్‌ను సస్పెండ్ చేయాలని కాంట్రాక్టర్లు డిమాండ్ చేస్తున్నారు. ఈ విషయంపై GHMC అధికారిక ప్రకటన విడుదల కాలేదు.