మై హోమ్ చైర్మన్ జూపల్లి రామేశ్వరరావు బాల్య మిత్రుడి గోల్డెన్ జూబ్లీ వేడుకకు హాజరు

హైదరాబాద్ బండ్లగూడలోని పీబీఆర్ కన్వెన్షన్ హాల్‌లో మై హోమ్ గ్రూప్ చైర్మన్ డాక్టర్ జూపల్లి రామేశ్వరరావు తన చిన్ననాటి మిత్రుడు శేషయ్య దంపతుల గోల్డెన్ జూబ్లీ వివాహ మహోత్సవానికి హాజరయ్యారు. ఈ సందర్భంగా ఆయన సతి సమేతంగా వేడుకలో పాల్గొన్నారు.

వేడుకలో శేషయ్య, నిర్మల దంపతులకు జూపల్లి రామేశ్వరరావు పూలమాలలు వేసి హృదయపూర్వక శుభాకాంక్షలు తెలిపారు. తన చిన్ననాటి తీపి జ్ఞాపకాలను నెమరువేసుకున్న ఆయన, జీవితంలో స్నేహ బంధం ఎంతో విలువైనదని పేర్కొన్నారు. శేషయ్య దంపతులు నిండు నూరేళ్లు ఆయురారోగ్యాలతో ఉండాలని ఆకాంక్షించారు.