నాగార్జున 101వ సినిమా కోసం బొమ్మరిల్లు భాస్కర్‌తో చర్చలు

నటుడు నాగార్జున ప్రస్తుతం తన 100వ సినిమా షూటింగ్‌లో బిజీగా ఉన్నారు. ఆ సినిమా తర్వాత ఆయన చేయబోయే 101వ సినిమా ఎవరితో అనేది ఇండస్ట్రీ వర్గాల్లో ఆసక్తికరంగా మారింది.

ఇప్పటి వరకు ఎలాంటి ప్రకటనా రాని నేపథ్యంలో, తాజాగా దర్శకుడు బొమ్మరిల్లు భాస్కర్‌తో నాగార్జున 101వ సినిమా చేయబోతున్నారనే ప్రచారం జరుగుతోంది. అఖిల్‌కు 'మోస్ట్ ఎలిజిబుల్ బ్యాచిలర్' హిట్ ఇచ్చిన భాస్కర్‌కు అక్కినేని కుటుంబంతో సాన్నిహిత్యం ఉంది.

అయితే, ఈ కాంబినేషన్‌పై ఇంకా అధికారిక ప్రకటన రాలేదు. నాగార్జున కథ నచ్చితే దర్శకుడి ట్రాక్ రికార్డ్ పట్టించుకోరు. ఇప్పటికే తన 100వ సినిమాను తమిళ దర్శకుడు రా కార్తీక్‌కు అప్పగించిన సంగతి తెలిసిందే. కాబట్టి భాస్కర్‌తో కూడా సినిమా చేసే అవకాశం ఉందని ట్రేడ్ వర్గాలు అంచనా వేస్తున్నాయి.