నాగుల చవితి 2026: సింహద్వారం వద్ద సర్పాల బొమ్మల ఆచారం వెనుక కథ

నాగుల చవితి 2026 సందర్భంగా కొన్ని ప్రాంతాల్లో ఇంటి ప్రధాన ద్వారం వద్ద నాగ బొమ్మలు చిత్రిస్తారు. ఈ ఆచారం వెనుక ఒక కథ ప్రచారంలో ఉంది.

ఒక గ్రామంలో బ్రాహ్మణుడు నాగుల పంచమి వ్రతం మర్చిపోయి వ్యవసాయ పనులకు వెళ్లాడు. పొలంలో పుట్టను దున్నడంతో పాము పిల్లలు గాయపడ్డాయి. దీంతో తల్లి పాము ఆయనను వెంబడించింది.

ఆయన కూతురు ఇంటికి వెళ్లాడు. కూతురు నాగుల పంచమి వ్రతం ఆచరించింది. ఆమె ఇంటి ప్రధాన ద్వారం వద్ద నాగేంద్రుడి బొమ్మలు ఉన్నాయి. వాటిని చూసి పాము లోపలికి వెళ్లలేదు. కూతురు తండ్రికి తీర్థం, గంధం, తోరం, చలిమిడి ప్రసాదం ఇచ్చింది.

చేతికి తోరం ఉండటంతో పాము ఆ బ్రాహ్మణుడిని ఏమీ చేయలేక వెళ్లిపోయింది. వ్రతం గుర్తు రావడంతో బ్రాహ్మణుడు ఇంటికి వెళ్లి వ్రతం ఆచరించాడు. పిల్లలకు సర్పారాధన ప్రాముఖ్యం చెప్పడానికే ఇలాంటి కథలు చెబుతారు. ఈ కథలు పురాణాల్లో లేకపోయినా ప్రాంతీయ ఆచారాల్లో భాగంగా ప్రాచుర్యంలో ఉన్నాయి.