నాని 'బ్లడీ రోమియో' షూటింగ్ అక్టోబర్‌లో ప్రారంభం; 2027 వేసవిలో విడుదల

నటుడు నాని నటిస్తున్న 'బ్లడీ రోమియో' సినిమా షూటింగ్ ఈ ఏడాది అక్టోబర్ నుంచి ప్రారంభం కానుంది. పారడైస్ సినిమా ఆలస్యం కారణంగా ఈ సినిమా ఆగిపోయిందని వచ్చిన వార్తల్లో నిజం లేదని సమాచారం.

దర్శకుడు సుజిత్ ఇప్పటికే బౌండెడ్ స్క్రిప్ట్‌ను సిద్ధం చేశారు. మొదటి షెడ్యూల్‌ను హైదరాబాద్‌లో పూర్తి చేసిన తర్వాత, మిగతా షూటింగ్ అంతా లండన్‌లో ఒకే షెడ్యూల్‌లో ముగించాలని ప్రణాళిక. డిసెంబర్ నాటికి పూర్తి చేసి, 2027 వేసవిలో సినిమాను విడుదల చేయాలని నిర్ణయించారు.

పవన్ కళ్యాణ్ ఇటీవల జరిగిన శస్త్రచికిత్స కారణంగా సుజిత్ దర్శకత్వంలోని 'OG 2' షూటింగ్ ఆలస్యం అవుతోంది. ఈ ఖాళీ సమయాన్ని సద్వినియోగం చేసుకుని 'బ్లడీ రోమియో'ని వేగంగా పూర్తి చేయాలని భావిస్తున్నారు. గతంలో 'OG'లో పవన్ కళ్యాణ్ భాగాన్ని కేవలం 37 రోజుల్లోనే పూర్తి చేసిన సుజిత్‌కు, మూడు నెలల్లో నానితో సినిమా ముగించడం పెద్ద సవాల్ కాదని సినీ వర్గాలు అంటున్నాయి.