నాని నితిన్ కాంబోలో సినిమా: నిర్మాతగా నాని, హీరోగా నితిన్ – త్వరలో ప్రకటన

నటుడు నాని సొంత నిర్మాణ సంస్థపై కొత్త సినిమా నిర్మించనున్నారు. ఈ చిత్రంలో నటుడు నితిన్ హీరోగా నటించనున్నట్లు సమాచారం. దండోరా సినిమా దర్శకుడు మురళీకాంతం ఈ ప్రాజెక్టుకు దర్శకత్వం వహించనున్నారు.

ఇప్పటికే నితిన్‌కు కథ చెప్పగా, ఆయన నటించేందుకు సుముఖత వ్యక్తం చేశారని తెలిసింది. నాని, చాలా రోజుల తర్వాత మళ్లీ నిర్మాణం చేపడుతున్నారు. కోర్ట్ సినిమా తర్వాత ఆయన నిర్మాణానికి బ్రేక్ ఇచ్చారు. ఈ కొత్త చిత్రం అధికారిక ప్రకటన త్వరలోనే వస్తుందని భావిస్తున్నారు.

మరోవైపు, నితిన్ కూడా నిర్మాతగా సినిమా చేయాలని భావిస్తున్నారు. ఆయన దర్శకుడు అంజితో కలిసి ఓ చిత్రాన్ని ప్లాన్ చేస్తున్నారు. అయితే, ఈ చిత్రంలో తానే హీరోగా నటిస్తారా లేక మరో హీరోని తీసుకుంటారా అనేది స్పష్టంగా తెలియాల్సి ఉంది. నితిన్ ఇప్పటికే తన శ్రేష్ట్ మూవీస్ బ్యానర్‌పై అనేక సినిమాలు నిర్మించారు.