అమృత యూనివర్సిటీ స్నాతకోత్సవంలో మంత్రి నారా లోకేష్ ప్రసంగం

మంత్రి నారా లోకేష్ అమృత యూనివర్సిటీ స్నాతకోత్సవంలో పాల్గొని ప్రసంగించారు. ఆయన మాట్లాడుతూ, 'విఫలం అంటే మొదటి ప్రయత్నం నేర్చుకోవడం (F.A.I.L)' అని నిర్వచించారు. విఫలం పట్ల భయపడొద్దని, విజయం ప్రయత్నించడం మానని వారికే లభిస్తుందని విద్యార్థులకు సూచించారు.

స్నాతకోత్సవంలో డిగ్రీ అందుకున్న విద్యార్థులు తమ తల్లిదండ్రులు, ఉపాధ్యాయులకు కృతజ్ఞతలు తెలియజేయాలని లోకేష్ కోరారు. వారి త్యాగం వల్లే తాము ఈ స్థాయికి చేరుకున్నామని గుర్తు చేశారు. విద్యార్థులు తమ కుటుంబం, సమాజం, దేశానికి బాధ్యత వహించాల్సిన అవసరం ఉందని అన్నారు.

అమృత యూనివర్సిటీ విలువలను కొనియాడుతూ, ఇతర విశ్వవిద్యాలయాలు కేవలం డిగ్రీ ఇస్తాయని, అమృత మాత్రం విద్యార్థులకు ఆలోచించడం, నాయకత్వం, సేవ చేయడం నేర్పుతుందని లోకేష్ అన్నారు. కరుణను కేవలం మాటల్లో కాకుండా చర్యల్లోకి మారిస్తే ప్రపంచ సమస్యలు 90% పరిష్కారమవుతాయన్న అమ్మ భావనను ఆయన ప్రస్తావించారు.