పార్టీలో వర్గాలు, మీడియా లీకులు వద్దు: నారా లోకేశ్

పార్టీ అంతర్గత విభేదాలను మీడియాకు చెప్పొద్దని, వర్గాలు చేయొద్దని ఏపీ మంత్రి నారా లోకేశ్ టీడీపీ నాయకులను హెచ్చరించారు. ఒక పార్టీ సమావేశంలో మాట్లాడుతూ ఈ విషయాలను స్పష్టం చేశారు.

సమస్యలను పరిష్కరించుకోవడం నాయకులందరి బాధ్యత అని, మీడియా వేదికగా పార్టీని ఇబ్బంది పెట్టొద్దని ఆయన సూచించారు. కడప జిల్లాలో వర్గాల కారణంగానే పార్టీ నష్టపోయిందని గుర్తు చేశారు. 'నాలుగు గోడల మధ్య చంద్రబాబు నాయుడితో చర్చిస్తా, బయట మాత్రం జై టీడీపీ అనే నినాదం ఉండాలి' అని తెలిపారు.

మై టీడీపీ యాప్ తప్పనిసరిగా డౌన్లోడ్ చేసుకోవాలని, దాని ద్వారా కార్యకర్తల కార్యాచరణను ట్రాక్ చేస్తామని అన్నారు. ముఖ్యమంత్రి చంద్రబాబు నాయుడు ప్రతి నామినేటెడ్ పోస్టు పేరునూ స్వయంగా సమీక్షిస్తున్నారని, నవంబర్లో మొదటి విడత నియామకాలు పూర్తవుతాయని వెల్లడించారు.

ప్రస్తుత ప్రభుత్వ సంక్షేమ పథకాలను కూడా ఆయన వివరించారు. రాష్ట్రంలో రూ.4,000 పెన్షన్, జులై 24న తల్లి వందనం రెండో విడత, ఉచిత గ్యాస్ సిలిండర్లు, మహిళల ఉచిత బస్సు ప్రయాణం అమలు చేస్తున్నట్లు చెప్పారు.