బిగ్ బాస్ 10: బిందు మాధవి వ్యాఖ్యలపై నటరాజ్ మాస్టర్ హెచ్చరిక

బిగ్ బాస్ 'అగ్ని పరీక్ష' షో న్యాయనిర్ణేత నటి బిందు మాధవి వ్యాఖ్యలపై కొరియోగ్రాఫర్ నటరాజ్ మాస్టర్ వీడియో విడుదల చేసి స్పందించారు. ఆయన 'మాట జాగ్రత్త' అని హెచ్చరించారు.

గతంలో బిగ్ బాస్ OTT సీజన్లో వీరిద్దరూ కలిసి పాల్గొన్నారు. ఆ సీజన్లో నటరాజ్ మాస్టర్ బిందు మాధవిని 'శూర్పణఖ' అని సంబోధించారు. దీనిపై బిందు మాధవి తీవ్రంగా స్పందించారు. ఈ విషయం అప్పట్లో చర్చనీయాంశమైంది.

ఇటీవల అగ్ని పరీక్ష షోలో ఓ పోటీదారు ఈ వివాదం గురించి బిందు మాధవిని ప్రశ్నించారు. తాను ఆ సమయంలో చిరాకుపడ్డానని, అయితే అలాంటి వ్యక్తులు కూడా ఉండాలి కాబట్టి వారికి ధన్యవాదాలు చెప్పాలని బిందు మాధవి సమాధానం ఇచ్చారు.

ఈ వ్యాఖ్యలపై నటరాజ్ మాస్టర్ ఓ వీడియో విడుదల చేశారు. అందులో 'అలాంటోళ్లు కూడా ఉండాలా? అంటే ఏంటి? మాట జాగ్రత్త' అని బిందు మాధవిని ప్రశ్నించారు.