చికాగో రోడ్డు ప్రమాదంలో తెలంగాణ యువతి నవ్య మృతి
అమెరికాలోని చికాగోలో జరిగిన రోడ్డు ప్రమాదంలో తెలంగాణకు చెందిన యువతి మృతి చెందింది. మృతురాలు నల్గొండ జిల్లా చెరువు గట్టుకు చెందిన నవ్య అని పోలీసులు గుర్తించారు.
నవ్య స్నేహితులతో కలిసి మినీ వ్యాన్లో ఇంటికి వెళ్తున్న సమయంలో ఈ ప్రమాదం జరిగింది. ముందున్న వాహనానికి సమస్య రావడంతో నవ్య ప్రయాణిస్తున్న వ్యాన్ వేగం తగ్గించింది. అయితే వెనక వస్తున్న వాహనం వేగాన్ని అంచనా వేయలేక ఢీ కొట్టింది. దెబ్బకు వ్యాన్ పల్టీలు కొట్టి రోడ్డు పక్కన గోతిలో పడిపోయింది.
వ్యాన్లో మొత్తం ఏడుగురు ఉన్నారు. ముందు రెండు సీట్లు మాత్రమే ఉండగా, మిగతా వారు వెనక మామిడి పళ్ల పెట్టెలపై seat belt లేకుండా కూర్చున్నట్లు పోలీసులు తెలిపారు. నవ్య అక్కడికక్కడే మృతి చెందింది. మిగతా వారు గాయాలపాలయ్యారు.
నవ్య మృతి వార్త విన్న ఆమె తల్లిదండ్రులు తీవ్ర దుఃఖంలో మునిగిపోయారు. ఆమె భౌతిక కాయాన్ని భారత్కు తీసుకొచ్చేందుకు ఏర్పాట్లు జరుగుతున్నాయి.
వార్త ఆధారాలు: పబ్లిక్ న్యూస్ బ్రాడ్కాస్ట్లు, అధికారిక అప్డేట్లు, ఉషా కిరణం ఎడిటోరియల్ ప్రమాణాలు.
సవరణల కోసం సంప్రదించండి: help@ushakiranam.com
