ఇంట్లో నెగిటివ్ ఎనర్జీ ఉంటే కనిపించే లక్షణాలు, పాటించాల్సిన సంప్రదాయ పద్ధతులు

హిందూ సంప్రదాయం ప్రకారం ఇంట్లో నెగిటివ్ ఎనర్జీ ఉంటే కొన్ని లక్షణాలు కనిపిస్తాయి. చిన్న విషయాలకు కోపం రావడం, పని మీద వెళ్లినప్పుడు ఆటంకాలు ఎదురవడం, మానసిక అశాంతి కలగడం వీటిలో ఉన్నాయి. ఇంట్లో నిద్ర పట్టకపోవడం కూడా ఒక సంకేతం.

గృహప్రవేశం అయిన తర్వాత ఇంటి యజమాని, ఇల్లాలు మూడు రోజుల పాటు ఆ ఇంట్లో నిద్రించాలని సంప్రదాయం చెబుతోంది. వారికి ప్రశాంతంగా నిద్ర పడితే ఆ ఇంట్లో నెగిటివ్ ఎనర్జీ లేదని భావిస్తారు. ఆకలి లేకపోవడం, కోపం రావడం వంటివి నెగిటివ్ ఎనర్జీ లక్షణాలుగా పేర్కొన్నారు.

నెగిటివ్ ఎనర్జీని దూరం చేసుకునేందుకు కొన్ని సంప్రదాయ పద్ధతులను సూచించారు. తెల్లవారుజామున 5:30 కి లేచి వాకిలి శుభ్రం చేసి, గోమయంతో అలికి ముగ్గు వేయాలి. ప్రతి శుక్రవారం గడపలకు పసుపు రాసి కుంకుమ బొట్టు పెట్టాలి.

నిద్ర లేవగానే ఓం నమో నారాయణాయ, ఓం నమః శివాయ వంటి మంత్రాలను వినిపించాలని సూచించారు. ఇంటి ముంగిట దృష్టి వినాయకుడు బొమ్మను, తెల్ల జిల్లేడు వేరును ఎరుపు దారానికి చుట్టి సింహద్వారం మీద తగిలించాలి. నరఘోష నివారణ యంత్రాన్ని ఇంటి లోపల హాలులో ఉంచుకోవాలి. ఇంటి గడియారాన్ని మాత్రం దక్షిణ దిశలో తగిలించకూడదని హెచ్చరించారు.