పాపరాజీల బ్యాక్ షాట్లపై నేహా దూపియా ఆగ్రహం; 'నో బ్యాక్ షాట్స్' అని హెచ్చరిక

నేహా దూపియా ఇటీవల ఓ అవార్డ్ ఫంక్షన్‌లో పాల్గొన్నారు. మీడియా ముందు నిలుచున్న సమయంలో కొందరు పాపరాజీ కెమెరామెన్‌లు వెనుక నుండి అసభ్యకరంగా బ్యాక్ షాట్లు తీసేందుకు ప్రయత్నించారు.

ఈ విషయాన్ని గమనించిన నేహా వెంటనే స్పందించారు. 'నో బ్యాక్ షాట్స్' అంటూ కెమెరామెన్‌లను హెచ్చరించారు. ఏ సెలబ్రిటీనైనా ఇలా వెనుక నుండి ఫోటోలు తీయవద్దని స్పష్టం చేశారు.

బాలీవుడ్‌లో పాపరాజీల వెకిలి చేష్టలు కొత్తేమీ కాదు. గతంలో జాన్వీ కపూర్, నేహా శర్మ, మోనా సింగ్, తృప్తి దిమ్రి, కరీనా కపూర్ తదితర హీరోయిన్లు కూడా అనుమతి లేకుండా తప్పుడు యాంగిల్స్‌లో ఫోటోలు తీయడంపై తీవ్ర అసహనం వ్యక్తం చేశారు.

సెలబ్రిటీలు పలుమార్లు హెచ్చరించినా పాపరాజీల ప్రవర్తనలో మార్పు రావడం లేదు. ఈ తాజా ఘటన పాపరాజీ కల్చర్‌పై మరోసారి చర్చకు దారితీసింది.