ఏపీలో ఒమిక్రాన్ RF5 సబ్‌వేరియంట్ గుర్తింపు; అప్రమత్తత అవసరమని ఆరోగ్య శాఖ

కడప జిల్లాకు చెందిన నాలుగు కరోనా నమూనాలలో ఒమిక్రాన్ RF5 సబ్ వేరియంట్ ను పూణే వైరాలజీ ల్యాబ్ గుర్తించింది. ఈ కొత్త వేరియంట్ ను గుర్తించడంతో రాష్ట్రంలో ఇప్పటివరకు మొత్తం 16 కరోనా కేసులు నమోదయ్యాయి.

వైద్య ఆరోగ్య శాఖ మంత్రి సత్యకుమార్ మాట్లాడుతూ, అన్ని ప్రభుత్వ ఆసుపత్రులు అవసరమైన పడకలు, పరీక్ష కిట్లు, చికిత్స సదుపాయాలతో సిద్ధంగా ఉన్నాయని తెలిపారు. ఆరోగ్య శాఖ నిరంతరం పర్యవేక్షణ కొనసాగిస్తుందని చెప్పారు.

ఒమిక్రాన్ RF5 వేరియంట్ ఇతర ఒమిక్రాన్ వేరియంట్ల కంటే ప్రమాదకరమని ఎటువంటి ఆధారాలు లేవు. ఈ వేరియంట్ సింగపూర్, ఆగ్నేయాసియా దేశాల్లో ఎక్కువగా కనిపిస్తోంది. ప్రధాన లక్షణాలుగా గొంతు నొప్పి, దగ్గు, జ్వరం, తలనొప్పి, అలసట, శరీర నొప్పులు ఉంటాయని వైద్యులు తెలిపారు.

ప్రజలు ఆందోళన చెందాల్సిన అవసరం లేదని, అప్రమత్తంగా ఉండాలని మంత్రి సూచించారు.