హైదరాబాద్ హైటెక్ సిటీలో ఖాదీ 5K రన్ నిర్వహించిన NIFT విద్యార్థులు

హైదరాబాద్ హైటెక్ సిటీలోని NIFT క్యాంపస్‌లో ఖాదీ 5K రన్ నిర్వహించారు. ఉదయం 5 గంటలకు ఈ రన్ ప్రారంభమైంది. యువతలో ఖాదీ వస్త్రాలపై ఆసక్తి పెంచడం, Fit India ప్రోత్సహించడం ఈ కార్యక్రమం లక్ష్యం.

NIFT స్పోర్ట్స్ అండ్ అడ్వెంచర్ క్లబ్ విద్యార్థులు "Move in Khadi - Move India" నినాదంతో ఈ రన్ నిర్వహించారు. NABARD, My Bharat సంస్థలు సహకారం అందించాయి.

గాంధీ జయంతి వేడుకల్లో భాగంగా ఈ నెలంతా ఖాదీ ప్రాముఖ్యతపై అవగాహన కల్పిస్తున్నట్లు NIFT డైరెక్టర్ మాలిని, NABARD GM రామలక్ష్మి తెలిపారు.

ఖాదీ ఒకప్పుడు పేదల వస్త్రంగా ఉండేదని, ఇప్పుడు ఖరీదైన ఫాబ్రిక్‌గా మారిందని వారు చెప్పారు. ఖాదీ తయారీ అంతా చేతితో జరుగుతుంది. ఈ నెలలో విద్యార్థులకు ఖాదీ స్పిన్నింగ్, ఖాదీ ఫాబ్రిక్స్ గురించి తరగతుల్లో వివరిస్తామని తెలిపారు.

NABARD, NIFT సహకారంతో Fit India ప్రోగ్రాం, ఖాదీ 5K రన్‌కు స్పాన్సర్‌గా వ్యవహరిస్తున్నట్లు NABARD GM రామలక్ష్మి తెలిపారు. ఖాదీ, గ్రామీణ పరిశ్రమలు, చేనేత వస్త్రాల ప్రచారం తమ రూరల్ డెవలప్‌మెంట్ బాధ్యతలో భాగమని చెప్పారు.