నేషనల్ అవార్డుపై నటి నిహారిక కొణిదల స్పందన: కుటుంబం మొత్తం ఎంతో గర్వంగా ఉంది

కమిటీ కుర్రాళ్ళు సినిమాకు నేషనల్ అవార్డు లభించిన విషయాన్ని నటి నిహారిక కొణిదల చాలా ఆనందంగా స్వీకరించారు. ఈ అవార్డు గురించి తన కుటుంబం ఎంతో గర్వంగా భావిస్తోందని ఆమె చెప్పారు.

ఈ సందర్భంగా మాట్లాడిన నిహారిక, తన చిన్నాన్న చిరంజీవి, అత్త సురేఖ చాలా సంతోషించారని వెల్లడించారు. అంతేకాక, తన తండ్రి నాగేంద్ర బాబు 1988లో రుద్రవీణ సినిమాకు నేషనల్ అవార్డు అందుకున్నట్లు గుర్తు చేశారు. ఆ అవార్డు అప్పట్లో నాగేంద్ర బాబు స్వయంగా తీసుకున్నట్లు నిహారిక తెలియజేశారు.

నేషనల్ అవార్డు వస్తుందని తెలియగానే కుటుంబం మొత్తం కేక్ కటింగ్ సెలబ్రేషన్స్ కూడా రెడీ చేసుకున్నారని నిహారిక చెప్పారు. సినిమా పట్ల తనకు ఉన్న అభిరుచే ఈ విజయానికి కారణమని, సరైన వ్యక్తులు దొరకని కారణంగా కొన్నిసార్లు కలలు నెరవేరవని, కానీ భగవంతుడు తనకు మంచి అవకాశాలు ఇచ్చాడని నిహారిక కృతజ్ఞతలు తెలిపారు.