NTR - త్రివిక్రమ్ సినిమాకు రెండు టైటిళ్లు రిజిస్టర్ చేసినట్లు సమాచారం

నటుడు ఎన్టీఆర్, దర్శకుడు త్రివిక్రమ్ కలిసి చేయబోయే చిత్రానికి సంబంధించి రెండు టైటిళ్లు రిజిస్టర్ చేసినట్లు చిత్ర పరిశ్రమ వర్గాల సమాచారం ప్రకారం తెలుస్తోంది. ఎన్టీఆర్ ఆర్ట్స్ బ్యానర్‌పై 'God of War', 'దేవసేనాపతి' అనే పేర్లు రిజిస్టర్ చేసినట్లు సమాచారం.

ఇటీవల జిమ్‌లో వ్యాయామం చేస్తుండగా ఎన్టీఆర్ భుజానికి గాయమైంది. శస్త్రచికిత్స జరిగింది. ఆయనకు రెండు మూడు నెలల విశ్రాంతి అవసరమైంది. ప్రస్తుతం ఆయన ఇంటికే పరిమితమయ్యారు.

అయితే ఇంట్లో ఉన్న సమయంలోనూ త్రివిక్రమ్‌తో కలిసి స్క్రిప్టుకు ఫైనల్ టచ్ ఇస్తున్నట్లు తెలుస్తోంది. ఈ చిత్రం కార్తికేయుడి నేపథ్యంలో సాగుతుందని పరిశ్రమ వర్గాలు చెబుతున్నాయి.

ఈ చిత్రానికి అనిరుధ్ రవిచందర్ సంగీతం అందించనున్నట్లు సమాచారం. రిజిస్టర్ చేసిన రెండు టైటిళ్లలో ఒకటి ఈ చిత్రానికి ఖరారయ్యే అవకాశం ఉంది. అయితే ఈ విషయంపై చిత్ర నిర్మాణ సంస్థ నుంచి అధికారిక ప్రకటన రాలేదు.