న్యూయార్క్‌లో భారీ వడగాలులు: మొబైల్ కూలింగ్‌ వ్యాన్లను సమీక్షించిన మేయర్‌ జోహ్రాన్‌ మామ్దానీ

అమెరికాలోని న్యూయార్క్‌ నగరంలో భారీ వడగాలులు కొనసాగుతున్న నేపథ్యంలో మేయర్‌ జోహ్రాన్‌ మామ్దానీ మొబైల్ కూలింగ్‌ వ్యాన్లను సమీక్షించారు. ఐదు బరోల్లోను ప్రజలకు మంచినీళ్లు, ఎలక్ట్రోలైట్స్, సన్‌స్క్రీన్, స్నాక్స్, భోజనం వంటివి అందించే ఈ వ్యాన్ల ద్వారా అవసరమైన వారిని గుర్తించి సహాయం చేస్తున్నామని ఆయన తెలిపారు. నగరంలో ఉష్ణోగ్రతలు ప్రమాద స్థాయికి చేరడంతో ఈ చర్యలు చేపట్టారు. న్యూయార్క్‌ నగరంలో భారీగా ఉన్న తెలుగు ప్రవాసులు సహా ఇతర భారతీయులకు ఈ వడగాలుల ప్రభావం ఉండొచ్చు. వడదెబ్బ బారిన పడే అవకాశమున్న వృద్ధులు, నిరాశ్రయుల కోసం మొబైల్ టీమ్‌లు ప్రత్యేకంగా పనిచేస్తున్నాయి. వేడిని తట్టుకోలేని వారిని సురక్షిత ప్రాంతాలకు తరలించే ఏర్పాట్లు కూడా ఉన్నాయి. గత కొన్ని రోజులుగా అమెరికాలోని పలు రాష్ట్రాలను వడగాలులు అతలాకుతలం చేస్తున్నాయి. న్యూయార్క్‌లో హీట్‌ అడ్వైజరీ కూడా జారీ చేశారు.