NYU గ్రాడ్యుయేట్‌కు 420 దరఖాస్తుల తర్వాత న్యూయార్క్‌లో ఉద్యోగం

న్యూయార్క్ యూనివర్సిటీ నుండి గ్రాడ్యుయేషన్ పూర్తి చేసిన భారతీయ విద్యార్థి దివ్య బన్సల్ న్యూయార్క్‌లో ఉద్యోగాన్ని సాధించారు. ఆమె తన కెరీర్ కోసం 420 కంపెనీలకు దరఖాస్తులు పంపించారు. కానీ కేవలం మూడు ఇంటర్వ్యూలకే పిలుపు వచ్చింది. చివరికి రెండు జాబ్ ఆఫర్లతో ఆమె విజయం సాధించారు.

విదేశీ విద్యార్థులకు వీసా స్పాన్సర్షిప్ అవకాశాలు పరిమితంగా ఉన్న సమయంలో ఈ ఘనత సాధించారు. ఆమె NYU నుండి పట్టా పొందిన వారం లోపే ఉద్యోగం ప్రారంభించారు. దివ్య బన్సల్ తన అనుభవాన్ని సోషల్ మీడియాలో పోస్ట్ చేశారు. ఈ పోస్ట్ ప్రస్తుతం వైరల్‌గా మారింది.

ఆ పోస్టులో ఆమె, ఉద్యోగం జీవితంలో ఒక భాగమే తప్ప పూర్తి గుర్తింపు కాదని అభిప్రాయపడ్డారు. నృత్యం, జిమ్, ఇంట్లో వంట, కుటుంబంతో సమయం వంటి వాటికి కూడా సమాన ప్రాధాన్యత ఇవ్వాలని సూచించారు. ఉద్యోగాన్ని సర్వస్వంగా భావించడం వల్ల దానిపై ఆసక్తి కోల్పోయే ప్రమాదం ఉందని ఆమె చెప్పారు.