OG సినిమా సీక్వెల్ అధికారికంగా ప్రకటించిన నిర్మాతలు

OG సినిమా సీక్వెల్ ని నిర్మాతలు అధికారికంగా ప్రకటించారు. ఈ సీక్వెల్ ప్రీక్వెల్ గా రూపొందనుంది. మొదటి భాగంలో ప్రధాన పాత్ర వెనుక దాగిన కథ, జపనీస్ మాఫియాతో అతని కనెక్షన్ ఇందులో ప్రధానాంశాలుగా ఉంటాయని యూనిట్ తెలిపింది.

సినిమా ప్రీ ప్రొడక్షన్ పనులు చివరి దశలో ఉన్నాయి. స్క్రిప్ట్ 70 శాతం పూర్తయింది. నటుడు పవన్ కళ్యాణ్ రాజకీయ కార్యక్రమాలతో బిజీగా ఉన్నందున, ఆయన తేదీలకు అనుగుణంగా షూటింగ్ పూర్తి చేసేలా ప్లాన్ చేస్తున్నారు. పవన్ అందుబాటులోకి రాగానే తక్కువ సమయంలో చిత్రీకరణ ముగించేలా ప్రణాళిక రూపొందించారు.

దర్శకుడు సుజిత్ ఈ సినిమాకు కేవలం యాక్షన్ సన్నివేశాలపై మాత్రమే దృష్టి పెట్టడం లేదు. బలమైన కథతో ప్రేక్షకులకు మంచి థియేట్రికల్ అనుభవం అందించాలని భావిస్తున్నారు. గత చిత్రంలో ఉన్నత స్థాయి ఎలివేషన్లతో పాటు అన్టోల్డ్ స్టోరీ ఈ సినిమాకు బలంగా నిలుస్తుందని ఆశిస్తున్నారు.