ఉస్మానియా ఆర్ట్స్ కళాశాల తొలి వార్షికోత్సవం: విద్యార్థుల ప్రతిభ ప్రదర్శన, పుస్తకాల ఆవిష్కరణ

ఉస్మానియా యూనివర్సిటీ ఆర్ట్స్ కళాశాల వార్షికోత్సవం ఘనంగా నిర్వహించారు. కళాశాల చరిత్రలో తొలిసారిగా ఇలాంటి కార్యక్రమం నిర్వహించడం విశేషం.

వీసీ ప్రొఫెసర్ కుమార్ మాట్లాడుతూ ఉస్మానియా అంటే ఉద్యమాల అడ్డా మాత్రమే కాదు, చదువులకు పెద్ద పీట వేసే ప్రదేశం అని అన్నారు. విద్యార్థులు తమ ప్రదర్శనలతో ఆకట్టుకున్నారని, ప్రతిభ చాటారని చెప్పారు.

ఈ సందర్భంగా విద్యార్థుల రచనలతో రూపొందించిన పుస్తకాలు ఆవిష్కరించారు. విద్యార్థులకు ఇలాంటి వేదికలు ఎంతో అవసరమని, రాబోయే ప్రతి సంవత్సరం ఆర్ట్స్ కళాశాలలో వార్షికోత్సవం నిర్వహించాలని వీసీ విజ్ఞప్తి చేశారు. చదువుతో పాటు కలలను కూడా ప్రదర్శించే వేదికగా ఈ కళాశాల నిలవాలని ఆకాంక్షించారు.