పశ్చిమాసియా శాంతి కోసం భారత్ కీలక పాత్ర పోషించాలి: పాలస్తీనా రాయబారి

పశ్చిమాసియాలో శాంతి స్థాపనకు భారత్ కీలక పాత్ర పోషించాలని పాలస్తీనా రాయబారి విజ్ఞప్తి చేశారు. ఇజ్రాయెల్–ఇరాన్ ఉద్రిక్తతల మధ్య, భారత్ ఒక పెద్ద ప్రజాస్వామ్య, ఆర్థిక శక్తిగా మారినందున దాని జోక్యం అవసరమని ఆయన అభిప్రాయపడ్డారు.

ఇటీవల జరిగిన అమెరికా–ఇరాన్ ఒప్పందం ద్వారా ప్రాంతీయ స్థిరత్వం వచ్చే అవకాశం ఉన్నా, ఇజ్రాయెల్ యుద్ధాన్ని తిరిగి ప్రారంభించే ప్రయత్నాలను మానుకోదని రాయబారి హెచ్చరించారు. 'అది వారి ప్రకటిత విధానమే. యుద్ధం తిరిగి మొదలవుతుందనడంలో ఎలాంటి సందేహం లేదు' అని ఆయన అన్నారు.

భారత్‌తో తన అనుబంధాన్ని గుర్తుచేసుకుంటూ, 'భారత్‌లో పాలస్తీనా అంబాసిడర్‌గా పనిచేయడం నాకు గర్వకారణం. భారత్ 140 కోట్ల జనాభా, ప్రపంచంలోని అతిపెద్ద ప్రజాస్వామ్యం, పెను ఆర్థిక వ్యవస్థ. ఈ ప్రత్యేక స్థానం భారత్‌కు ఒక బాధ్యత. ఇజ్రాయెల్ ఆక్రమణను అంతం చేసి, శాంతిని తీసుకురావడంలో భారత్ గణనీయమైన పాత్ర పోషించగలదు' అని రాయబారి పేర్కొన్నారు.

'భారత్ బలంగా నిలబడి, కీలక పాత్ర పోషిస్తుందని, మా విషయంలో అది మరోసారి నిరూపించగలదని ఆశిస్తున్నాను' అని ఆయన తెలిపారు.