పనామాలో 7.6 తీవ్రతతో భారీ భూకంపం, పసిఫిక్ తీరానికి సునామీ హెచ్చరిక

పనామాలో 7.6 తీవ్రతతో భారీ భూకంపం సంభవించింది. రిక్టర్ స్కేలుపై భూకంప తీవ్రత 7.6 గా నమోదైంది. ఒక్కసారిగా భూమి కంపించడంతో ప్రజలు భయంతో ఇళ్ల నుంచి బయటకు వచ్చి రోడ్లపైకి పరుగులు తీశారు.

ఈ భూకంపం నేపథ్యంలో పసిఫిక్ తీర ప్రాంతాలకు సునామీ ముప్పు ఉందని అధికారులు హెచ్చరించారు. పనామా, మెక్సికో సహా పలు దేశాలకు సునామీ హెచ్చరికలు జారీ అయ్యాయి. తీర ప్రాంత ప్రజలు అప్రమత్తంగా ఉండాలని, సురక్షిత ప్రాంతాలకు తరలి వెళ్లాలని అధికారులు సూచించారు.

వీడియోల్లో కొన్ని భవనాలు కూలినట్టు కనిపించింది. భయంతో జనం రోడ్లపైకి వచ్చిన దృశ్యాలు కూడా వీడియోల్లో ఉన్నాయి. ఈ ఘటనలో ప్రాణనష్టం జరిగినట్లు ఇప్పటివరకు సమాచారం లేదు.