పిల్లల ముందు గొడవలు వారి మానసిక ఆరోగ్యంపై తీవ్ర ప్రభావం: నిపుణుల హెచ్చరిక

తల్లిదండ్రులు పిల్లల ముందు గొడవలు పడటం, కోపంగా మాట్లాడటం పిల్లల్లో మానసిక సమస్యలకు కారణమవుతున్నాయని నిపుణులు హెచ్చరిస్తున్నారు. పిల్లలు తమ తల్లిదండ్రులను రోల్ మోడల్‌గా తీసుకుంటారు. ఇంటి వాతావరణం వారి భవిష్యత్తుపై ప్రభావం చూపుతుంది.

చిన్న పిల్లలకు భాష అర్థం కాకపోయినా, గట్టిగా అరవడం, కొట్లాడుకోవడం వారిలో ఒత్తిడిని, భయాన్ని కలిగిస్తాయి. నిద్రలేమి, ఏడుపు వంటి సమస్యలు రావచ్చు. పెద్ద పిల్లల్లో కండక్ట్ డిజార్డర్, దూకుడు ప్రవర్తన, చదువులో వెనుకబడటం, చెడు వ్యసనాలకు లోనవడం జరగవచ్చని నిపుణులు వివరించారు.

భార్యాభర్తల మధ్య విభేదాలను పిల్లలకు తెలియకుండా చర్చించుకోవాలని, ఇల్లు పిల్లలకు సురక్షిత ప్రదేశంగా ఉండేలా చూడాలని నిపుణులు సూచించారు. ప్రతి రోజు కొంత సమయం పిల్లలతో గడపడం, అవసరమైనప్పుడు అర్థమయ్యేలా వివరించడం మంచిదని తెలిపారు.