మహారాష్ట్రలో వ్యర్థాలతో సోలార్ వాహనం తయారు చేసిన యువ ఇంజనీర్

మహారాష్ట్రలోని అహిల్యానగర్ జిల్లా కొలహార్ భగవతీపూర్ గ్రామానికి చెందిన పవన్ ఖర్డే వ్యర్థ పదార్థాలు, పాత సోలార్ ప్యానళ్లతో సౌరశక్తితో నడిచే మూడు చక్రాల వాహనాన్ని రూపొందించారు.

కేవలం ₹11,000 ఖర్చుతో తయారైన ఈ వాహనంలో 540 వాట్ల సోలార్ ప్యానెల్ను అమర్చారు. బ్యాటరీ సహాయంతో 7 నుంచి 8 కిలోమీటర్లు, సోలార్ ప్యానెల్ సహాయంతో 50 నుంచి 60 కిలోమీటర్ల వరకు ప్రయాణించవచ్చని పవన్ తెలిపారు.

పెట్రోల్, డీజిల్ కొరత ఏర్పడినప్పుడు ఈ వాహనం ప్రయాణికులకు ఉపయోగకరంగా ఉంటుందని ఆయన అభిప్రాయపడ్డారు.