పెద్ది మూవీ OTT లో ట్రెండింగ్ నంబర్ వన్ స్థానం సాధించింది

మెగా పవర్ స్టార్ రామచరణ్ హీరోగా, బాలీవుడ్ నటి జాన్వి కపూర్ కథానాయికగా నటించిన చిత్రం పెద్ది. దర్శకుడు బుచ్చిబాబు సన రూపొందించిన ఈ భారీ చిత్రం థియేటర్లలో విజయవంతంగా ప్రదర్శించబడింది. గ్రామీణ నేపథ్యంలో ఎమోషనల్ స్పోర్ట్స్ డ్రామాగా తెరకెక్కిన ఈ మూవీ బాక్స్ ఆఫీస్ వద్ద దాదాపు 450 కోట్ల రూపాయల గ్రాస్ కలెక్షన్లు నమోదు చేసుకుంది.

ఇప్పుడు ఈ చిత్రం ప్రముఖ OTT ప్లాట్‌ఫామ్‌లో విడుదలైన కొద్ది గంటల్లోనే ప్రేక్షకుల నుండి విశేష స్పందన అందుకుంది. థియేటర్లలో మిస్ అయిన వారు, అలాగే మళ్ళీ చూడాలనుకున్న అభిమానులు పెద్ద ఎత్తున ఈ చిత్రాన్ని వీక్షిస్తున్నారు. దీంతో OTT లో విడుదలైన మరుసటి రోజే పెద్ది భారతదేశంలో టాప్ 10 ట్రెండింగ్ మూవీస్ జాబితాలో నంబర్ వన్ స్థానాన్ని సొంతం చేసుకుంది.

ఈ సినిమా కథ, భావోద్వేగాలు, రామచరణ్ నటన మరియు బుచ్చిబాబు దర్శకత్వంపై ప్రేక్షకులు విశేష ప్రశంసలు కురిపిస్తున్నారు. థియేటర్ల తర్వాత OTT వేదికపై కూడా పెద్దికి లభిస్తున్న ఆదరణ ఈ సినిమా విజయాన్ని మరోసారి నిరూపిస్తోందని సినీ విశ్లేషకులు అభిప్రాయపడుతున్నారు. ప్రస్తుతం పెద్దికి సంబంధించిన OTT కట్స్ సోషల్ మీడియాలో వైరల్ అవుతున్నాయి.