Pixel 11 సిరీస్ వచ్చే నెల 12న లాంచ్; AI ఫోన్లకు బ్లూప్రింట్ కానుంది

Google తన కొత్త Pixel 11 సిరీస్‌ను ఆగస్టు 12న లాంచ్ చేయనుంది. ఈ సారి హార్డ్‌వేర్‌లో పెద్ద మార్పులు లేకపోయినా, సాఫ్ట్‌వేర్ రంగంలో పూర్తి AI ఆధారిత ఫోన్‌గా ఇది రూపుదిద్దుకోనుంది. Android 17 తో పాటు Gemini Intelligence తో వచ్చే ఈ ఫోన్, మల్టీస్టెప్ ఏజెంటిక్ టాస్క్‌లు, మ్యాజిక్ క్యూ కాంటెక్స్ట్ అవేర్‌నెస్, AI కెమెరా కోచ్ వంటి ఫీచర్లతో మార్కెట్‌లోకి వస్తుంది.

Pixel 11 సిరీస్‌లో నాలుగు మోడళ్లు — Pixel 11, Pixel 11 Pro, Pixel 11 Pro XL, Pixel 11 Pro Fold — లాంచ్ అవుతాయి. వీటిలో Tensor G6 చిప్‌సెట్ 2nm ప్రాసెస్ లో తొలిసారిగా రాబోతున్నది. Samsung బదులు TSMC నుంచి చిప్ వస్తుందని సమాచారం. అంతేకాదు, సంవత్సరాలుగా వినిపిస్తున్న నెట్‌వర్క్ ఫిర్యాదులను దృష్టిలో ఉంచుకుని, Samsung Exynos మోడమ్ నుంచి MediaTek మోడమ్ కు మార్పు జరగనుంది. దీంతో కాలింగ్, డేటా స్పీడ్ బాగా మెరుగుపడతాయి.

కెమెరా విషయంలో పెద్దగా మార్పు లేదు. అయితే వెనుక కెమెరా మాడ్యూల్ లో Pixel Glow అనే నోటిఫికేషన్ లైట్ వస్తోంది. ఇది కేవలం నోటిఫికేషన్ లైట్ గా మాత్రమే పనిచేస్తుంది. బ్యాటరీ 5000mAh గానే ఉంటుంది, 45W వైర్డు చార్జింగ్ మాత్రం ఉంటుంది. డిస్‌ప్లే, డిజైన్ లో మాత్రం స్వల్ప మార్పులు చేయబడ్డాయి.

అయితే అతిపెద్ద హైలెట్ మాత్రం AI ఫీచర్లే. వీటి వల్ల యూజర్లు ఒకే ప్రాంప్ట్ తో మూవీ షో టైమింగ్స్ చూడటం, రూట్ మ్యాప్ చూసుకోవడం, యాప్ ఓపెన్ చేయడం వంటి మల్టీస్టెప్ టాస్క్‌లను చేయవచ్చు. ఇక మ్యాజిక్ క్యూ స్క్రీన్ కాంటెక్స్ట్ ను అర్థం చేసుకుని ప్రశ్నలకు సమాధానం చెబుతుంది. కెమెరా ఎప్ లో AI కోచ్ ఫ్రేమింగ్ ఎలా చేయాలో నేర్పిస్తుంది.

పూర్తి AI అనుభవాన్ని పొందాలంటే కనీసం 12GB RAM వెర్షన్ కొనాల్సి ఉంటుంది. బేస్ వేరియంట్ 8GB RAM తో వస్తుంది కాబట్టి అన్ని ఫీచర్లు పనిచేయవు. ధర కూడా 50-100 డాలర్లు పెరిగే అవకాశం ఉంది. దాంతో భారత్‌లో 12GB మోడల్ ధర ₹1 లక్ష దాటే అవకాశం ఉంది.

Google ఈ ఫోన్‌ను కేవలం Gemini సామర్థ్యాలను చూపించే షోకేస్ డివైజ్‌గా భావిస్తోంది. 90% దేశాల్లో Pixel అమ్మకాలు జరగవు కాబట్టి, ఇది AI ఆధారిత ఫోన్లకు రోడ్‌మ్యాప్ లాగా ఉంటుంది. భవిష్యత్తులో ఇతర ఆండ్రాయిడ్ బ్రాండ్లు, ఐఫోన్ కూడా ఇలాంటి ఫీచర్లను అనుసరించే అవకాశాలున్నాయి.