ప్రభాస్ 'ఫౌజీ' ఫస్ట్ లుక్ పోస్టర్ విడుదల, డిసెంబర్ 3న సినిమా రిలీజ్

నటుడు ప్రభాస్ హీరోగా హను రాఘవపూడి దర్శకత్వంలో తెరకెక్కుతున్న 'ఫౌజీ' సినిమా ఫస్ట్ లుక్ పోస్టర్ ను మేకర్స్ విడుదల చేశారు. యుద్ధభూమి నేపథ్యంలో తడిసి, గాయాలతో గన్ పట్టుకుని రాయిపై కూర్చున్న ప్రభాస్ లుక్ ఈ పోస్టర్ లో కనిపిస్తోంది.

చిత్రాన్ని 2026 డిసెంబర్ 3న ప్రపంచవ్యాప్తంగా విడుదల చేస్తామని మేకర్స్ ప్రకటించారు. బ్రిటిష్ ఇండియా కాలం నాటి యుద్ధ కథతో తెరకెక్కుతున్న ఈ సినిమాలో ప్రేమ, దేశభక్తి, భారీ యాక్షన్ ఉంటాయని చిత్ర బృందం తెలిపింది.

సోషల్ మీడియా ఇన్ఫ్లుయెన్సర్ ఇమాన్వి హీరోయిన్ గా పరిచయం అవుతున్న ఈ సినిమాలో మిథున్ చక్రవర్తి, జయప్రద కీలక పాత్రల్లో నటిస్తున్నారు. దాదాపు రూ.600 కోట్ల బడ్జెట్ తో నిర్మిస్తున్న ఈ చిత్రానికి ఇంకా 90 రోజుల షూటింగ్ పెండింగ్ ఉంది.

ఈ సినిమా డిజిటల్ హక్కులను రూ.180 కోట్లకు ఓ OTT సంస్థ కొనుగోలు చేసిందని, డిసెంబర్ లోపు సినిమా విడుదల చేయాలన్న షరతు విధించిందని పరిశ్రమ వర్గాలు చెబుతున్నాయి. అయితే ఈ విషయంపై మేకర్స్ నుంచి అధికారిక ప్రకటన రాలేదు.