ప్రభాస్ సీను పేరు వెనుక కథ – నటుడి వివరణ

నటుడు, హాస్యనటుడు ప్రభాస్ సీను ఇటీవల ఒక ఇంటర్వ్యూలో తన పేరు వెనుక ఉన్న కథను వివరించారు. సీను అనే పేరు చాలా సాధారణమని, ఆఫీస్‌లో, డిపార్ట్‌మెంట్‌లో చాలా మంది ఆ పేరుతో ఉంటారని చెప్పారు. దీంతో ‘మన సీను’ అంటే ఎవరని ప్రశ్న ఎదురయ్యేదని ఆయన తెలిపారు.

ప్రభాస్ వారి సినిమాల్లో నటించడం వల్ల జనం ఆయన్ను ‘ప్రభాస్ వారి సీను’గా పిలవడం మొదలుపెట్టారు. క్రమంగా ఈ పేరు ప్రభాస్ సీనుగా మారిందని, తాను ఈ పేరును ఎంచుకోలేదని, ప్రజలే ఈ పేరును క్రియేట్ చేశారని ప్రభాస్ సీను చెప్పారు.

ప్రభాస్ అందరినీ ‘డార్లింగ్’ అని సరదాగా పిలుస్తారని, అది ఆయన అలవాటని, తనను మాత్రమే కాదని కూడా వివరించారు.