విజయవాడ ప్రకాశం బ్యారేజీ నీటి నిల్వ 11.8 అడుగులకు తగ్గింది

విజయవాడలోని ప్రకాశం బ్యారేజీ వద్ద నీటి నిల్వ గణనీయంగా తగ్గింది. ప్రస్తుతం నీటి మట్టం 11.8 అడుగులకు చేరిందని అధికారులు తెలిపారు. బ్యారేజీ పూర్తి నిల్వ సామర్థ్యం 3.07 టీఎంసీలు. ఇప్పుడు నిల్వ 2.4 నుంచి 2.5 టీఎంసీల మధ్య ఉందని వారు చెప్పారు.

దిగువకు నీటిని విడుదల చేయడం లేదు. బ్యారేజీ గేట్లన్నీ మూసి ఉంచారు. ప్రస్తుతం 5,505 క్యూసెక్కుల outflow ఉంది. ఈ నీరంతా తాగునీరు, సాగు అవసరాల కోసం కాలువలకు మాత్రమే వెళ్తోంది. కృష్ణా తూర్పు ప్రధాన కాలువకు 2,823 క్యూసెక్కులు, పశ్చిమ ప్రధాన కాలువకు 2,423 క్యూసెక్కులు విడుదలయ్యాయి.

ఎగువ ప్రాంతాల్లో వర్షాలు లేకపోవడంతో inflow తగ్గింది. ఎల్నినో ప్రభావంతో ఎండలు ఎక్కువగా ఉన్నాయి. నదీ గర్భంలోని కొన్ని చోట్ల నీరు పూర్తిగా ఎండిపోయింది. ఘాట్ల వద్ద నీరు లేకపోవడంతో దసరా నవరాత్రుల్లో స్నానాలకు వచ్చేవారికి ఇబ్బంది ఉంది.

పట్టిసీమ నుంచి రేపటి నుంచి దసరా నేపథ్యంలో 500 క్యూసెక్కుల నీటిని విడుదల చేసేందుకు అధికారులు ప్రయత్నిస్తున్నారు. అయితే భద్రాచలం వద్ద నీటి మట్టం తక్కువగా ఉండటంతో ఇది ఎంతవరకు సాధ్యమవుతుందో చూడాల్సి ఉంది. కాలువల చివరి వరకు నీరు చేరే అవకాశం లేదని రైతులు చెబుతున్నారు.