ప్రశ్న రావణ్‌ పోలీస్ కస్టడీ పిటిషన్‌పై గన్నవరం కోర్టులో నేడు విచారణ

యూట్యూబర్ ప్రశ్న రావణ్ (బచ్చలకూరి జోసెఫ్)పై నమోదైన యూఏపీఏ కేసులో పోలీస్ కస్టడీ పిటిషన్‌పై గన్నవరం కోర్టులో నేడు విచారణ జరుగుతోంది.

నిందితున్ని విచారించేందుకు తమకు అప్పగించాలంటూ గన్నవరం పోలీసులు కోర్టును ఆశ్రయించారు. ఆర్థిక లావాదేవీలు, సోషల్ మీడియా ఖాతాల నిర్వహణ, దేశ వ్యతిరేక శక్తులతో సంబంధాలు వంటి కోణాల్లో పూర్తి స్థాయి విచారణకు 10 రోజుల పాటు కస్టడీ ఇవ్వాలని పోలీసులు తమ పిటిషన్‌లో కోరారు.

ప్రశ్న రావణ్ ప్రస్తుతం యూఏపీఏ కేసులో జ్యుడిషియల్ రిమాండ్‌లో ఉన్నాడు. ఈ రిమాండ్ గడువు ఈ నెల 18వ తేదీతో ముగుస్తుంది. అంతకుముందు అతనిపై నమోదైన నాలుగు ఇతర కేసుల్లో న్యాయస్థానం బెయిల్ మంజూరు చేసినప్పటికీ, యూఏపీఏ కేసు తీవ్రత నేపథ్యంలో నిందితుడు జైలులోనే ఉన్నారు.

గత వారం జరిగిన విచారణ సందర్భంగా రావణ్ తరపు న్యాయవాదులు పోలీస్ కస్టడీని వ్యతిరేకిస్తూ కౌంటర్ దాఖలు చేశారు. దాంతో విచారణను నేటికి వాయిదా వేసిన న్యాయమూర్తి ఇరుపక్షాల వాదనలు విన్నాక కస్టడీ మంజూరుపై తుది నిర్ణయం తీసుకోనున్నారు.