అల్లూరి జిల్లాలో 108 అంబులెన్స్‌లో గర్భిణి ప్రసవం, తల్లీ బిడ్డ ఆరోగ్యంగా

అల్లూరి సీతారామ రాజు జిల్లా హుకుంపేట మండలం గిల్లాబడ్డు గ్రామంలో ఓ గర్భిణికి పురిటి నొప్పులు రావడంతో కుటుంబ సభ్యులు 108కి సమాచారం ఇచ్చారు.

రోడ్డు సౌకర్యం లేని కారణంగా అంబులెన్స్ సంఘటనా స్థలానికి చేరుకోలేకపోయింది. గర్భిణి అంబర్ కుమారిని కుటుంబ సభ్యులు కొంతదూరం స్ట్రెచర్‌పై మోసుకెళ్లి, మరో కిలోమీటర్ దూరం నడిపించుకుంటూ అంబులెన్స్ వద్దకు చేర్చారు.

అంబులెన్స్‌లో ఆసుపత్రికి తరలిస్తుండగా మార్గమధ్యంలో పురిటి నొప్పులు ఎక్కువయ్యాయి. వాహనంలోనే అంబులెన్స్ టెక్నీషియన్ మన్మదరావ్, ఆశా కార్యకర్త సహాయంతో ప్రసవం జరిగింది.

ప్రసవం తర్వాత తల్లీ బిడ్డను హుకుంపేట ప్రాథమిక ఆరోగ్య కేంద్రానికి తరలించారు. వైద్యులు వారి ఆరోగ్య పరిస్థితి సాధారణంగా ఉందని తెలిపారు.