హైదరాబాద్లోని బాలాపూర్లో గర్భిణి యువతి హత్య; ముగ్గురు నిందితులు అదుపులోకి

హైదరాబాద్లోని బాలాపూర్లో ఓ గర్భిణి యువతి హత్యకు గురైంది. బీహార్కు చెందిన ఆమె ఇక్కడి ఫంక్షన్ హాళ్లలో పనిచేస్తోంది.

పోలీసుల కథనం ప్రకారం, ఆమెకు అహ్మద్ అనే యువకుడితో పరిచయం ఏర్పడి ప్రేమగా మారింది. ఆమె మూడు నెలల గర్భవతి అని పోలీసులు తెలిపారు. ఈ క్రమంలో అహ్మద్ మరో యువతితో సంబంధం పెట్టుకున్నాడని పోలీసులు చెప్పారు. దీంతో ఆమెను చంపాలని అతను నిర్ణయించుకున్నట్టు తెలిపారు.

అహ్మద్ తన తల్లిదండ్రుల సాయంతో యువతిని చంపినట్టు పోలీసులు గుర్తించారు. మృతదేహాన్ని గోనె సంచిలో పెట్టి తరలించే ప్రయత్నం చేశారు. సంచి నుంచి పాదం బయటకు కనిపించడంతో స్థానికులు అనుమానించి పోలీసులకు సమాచారం ఇచ్చారు.

బాలాపూర్ పోలీసులు ఘటనా స్థలానికి చేరుకుని పారిపోతున్న ముగ్గురు నిందితులను అదుపులోకి తీసుకున్నారు. మృతదేహాన్ని పోస్ట్మార్టం కోసం తరలించారు. కేసు దర్యాప్తు కొనసాగుతోంది.