ప్రీతం అండ్ పెడ్రో వెబ్ సిరీస్ రివ్యూ: రాజ్కుమార్ హిరాని కొడుకు డెబ్యూ సిరీస్ ఎలా ఉంది?

బాలీవుడ్ ప్రముఖ దర్శకుడు రాజ్కుమార్ హిరాని కుమారుడు వీర్ హిరాని 'ప్రీతం అండ్ పెడ్రో' అనే కొత్త వెబ్ సిరీస్‌తో నటుడిగా పరిచయం అయ్యారు. ఈ సిరీస్‌ను దర్శకుడు అవినాష్ అరుణ్ తెరకెక్కించారు. ఇందులో అర్షద్ వార్సీ సైబర్ సెల్‌కు పోస్టింగ్ వచ్చిన సీనియర్ పోలీస్ ఆఫీసర్ పెడ్రోగా, వీర్ హిరాని సైబర్ సెక్యూరిటీ జీనియస్ ప్రీతమ్‌గా నటించారు.

సిరీస్ కథ ఒక మిస్సింగ్ కేసు, ఆ తర్వాత స్పోర్ట్స్ మినిస్టర్ కొడుకు కిడ్నాప్ చుట్టూ తిరుగుతుంది. టెక్నాలజీ అవగాహన లేని లాఠీ పవర్ నమ్మే పెడ్రో, డేటా ఆధారితంగా సమస్యల్ని సాల్వ్ చేసే ప్రీతమ్ కలిసి సైబర్ క్రైమ్ మిస్టరీని ఎలా ఛేదించారనేది కథ. సాధారణంగా డార్క్‌గా ఉండే సైబర్ క్రైమ్ థ్రిల్లర్లకు భిన్నంగా దీన్ని 2000 కాలపు లైట్ హార్టెడ్ కామెడీ స్టైల్‌లో స్క్రీన్ పై నడిపారు.

పాజిటివ్ పాయింట్స్‌లలో అర్షద్ వార్సీ కామెడీ టైమింగ్, కిడ్నాపర్ తో అతని సన్నివేశాలు ఆకట్టుకుంటాయి. వీర్ హిరాని తొలి సిరీస్‌లోనే సెటిల్డ్ నటన కనబరిచాడు. ఫిషింగ్, OTP ఫ్రాడ్స్, ఫేక్ లింక్స్ వంటి రియలిస్టిక్ క్రైమ్స్ కథలో ఉండటం ప్రేక్షకులకు ఈజీగా కనెక్ట్ అయ్యేలా చేస్తాయి.

నెగెటివ్ పాయింట్స్‌గా కథ చాలా ప్రిడిక్టబుల్‌గా సాగుతుంది. క్లైమాక్స్ ట్విస్ట్, విలన్ మార్పు అంత కన్విన్సింగ్‌గా లేదు. లాప్‌టాప్ తెరిచి కీబోర్డ్ టైప్ చేయగానే కేస్ సాల్వ్ అయిపోయే పాత కాలపు హ్యాకింగ్ లాజిక్ ఇప్పటికీ చూపించడం, కొన్ని హ్యాకింగ్ సన్నివేశాలు సిల్లీగా ఉండటం విమర్శకు గురైంది.

మొత్తంగా ఇది ఎలాంటి తీవ్రమైన బూతుల వల్గారిటీ లేని, కుటుంబంతో కలిసి చూడదగ్గ లైట్‌హార్టెడ్ కామెడీ సిరీస్ అని రివ్యూలు చెబుతున్నాయి. 6 ఎపిసోడ్‌ల సిరీస్ జియో హాట్‌స్టార్‌లో స్ట్రీమింగ్ అవుతోంది.