ఖతార్ లోని గ్యాస్ ప్లాంట్ లో భారీ పేలుడు; భారత్ కు గ్యాస్ సరఫరాపై ప్రభావం

ఖతార్ లోని ప్రధాన గ్యాస్ ఉత్పత్తి కేంద్రం అయిన రాస్ లఫాన్ ప్లాంట్ లో భారీ పేలుడు సంభవించినట్లు నివేదికలు వచ్చాయి. ఈ ప్లాంట్ ప్రపంచంలోనే అతిపెద్ద LNG ఎగుమతి కేంద్రాల్లో ఒకటి.

భారతదేశం తన అవసరాల్లో దాదాపు 50 శాతం LNG ని ఖతార్ నుంచే దిగుమతి చేసుకుంటోంది. రెండు దేశాల మధ్య 78 బిలియన్ డాలర్ల విలువైన దీర్ఘకాలిక ఒప్పందాలు ఉన్నాయి. 2028 నుంచి 20 ఏళ్ల పాటు ఏటా 7.5 మిలియన్ టన్నుల LNG సరఫరా చేసే ఒప్పందం కూడా ఇందులో భాగం.

పేలుడుకు కారణం ఇంకా స్పష్టం కాలేదు. గతంలో ఇరాన్ IRGC దాడుల కారణంగా ఈ ప్లాంట్ మూసివేయాల్సి వచ్చింది. తాజాగా సంభవించిన ఈ పేలుడు వెనుక ఉద్దేశపూర్వక కుట్ర ఉందా లేక పాత దాడుల ప్రభావమా అనే విషయమై అధికారిక ధృవీకరణ కోసం ఎదురుచూస్తున్నారు.

ఈ పరిణామం వల్ల భారత్ కు గ్యాస్ సరఫరాలో అంతరాయం ఏర్పడే అవకాశం ఉంది. అంతర్జాతీయ మార్కెట్లో LNG ధరలు పెరిగే సూచనలూ కనిపిస్తున్నాయి. అధికారులు పరిస్థితిని నిశితంగా గమనిస్తున్నారు.