సనత్ నగర్ ఆలయ ప్రాంగణంలో రాఘవేందర్ యాదవ్ మొక్కలు నాటారు

గ్రీన్ ఇండియా ఛాలెంజ్ కో-ఫౌండర్, BRS నేత రాఘవేందర్ యాదవ్ సనత్ నగర్ సెవెన్ టెంపుల్స్ పరిసరాల్లో మొక్కలు నాటారు. కార్తీక మాసం సందర్భంగా ఈ మొక్కల నాటడం జరిగింది. కార్యక్రమంలో జమ్మీ, ఉసిరి, బిల్వ మొక్కలను నాటారు.

ఆలయంలో మొక్కలు నాటే కార్యక్రమం మంచి సంకల్పమని రాఘవేందర్ యాదవ్ అన్నారు. సకల జీవరాశుల మనుగడకు వృక్షాలు ఎంతో అవసరమని ఆయన పేర్కొన్నారు. అంతరించిపోతున్న వృక్షజాతులను పెంచేందుకు మాజీ MP సంతోష్ కుమార్ చేస్తున్న కృషిని ఆయన ప్రశంసించారు.

సంతోష్ కుమార్ 25 కోట్ల మొక్కలు నాటిన విషయాన్ని రాఘవేందర్ యాదవ్ ఈ సందర్భంగా గుర్తు చేశారు. రాబోయే తరాలకు వర్షాలు రావాలని, పంటలు బాగా పండాలని ఆయన ఆకాంక్షించారు. తెలంగాణతో పాటు అన్ని రాష్ట్రాలు, దేశం సుఖ సంతోషాలతో ఉండాలని కోరుకున్నారు.

హనుమాన్ దేవస్థానంలో బిల్వ, ఉసిరి మొక్కలు నాటినట్లు ఆయన తెలిపారు. ఆ మొక్కలు పెద్దగా పెరిగి, ఆకులు లేదా పండ్లను స్వామి వారికి సమర్పించాలని ఆయన ఆశించారు.