రాజమౌళి సరికొత్త ప్రయోగం: కొత్త చిత్రం కోసం సొంత లిపితో భాష నిర్మాణం

దర్శకుడు ఎస్.ఎస్. రాజమౌళి తన కొత్త చిత్రం కోసం సరికొత్త లిపితో ఒక భాషను రూపొందిస్తున్నారని సమాచారం. ఈ చిత్రం ఒక గ్లోబల్ ట్రాటింగ్ ట్రైన్ ట్రావెల్ ఎపిక్ అని చెబుతున్నారు.

కథ ప్రకారం హీరో ఒక అన్వేషణలో భాగంగా రహస్య ప్రాచీన గుహలోకి ప్రవేశిస్తాడు. గుహ గోడలపై అప్పటివరకు చూడని ప్రాచీన లిపిలో రహస్య సందేశాలు ఉంటాయి. వాటిని డీకోడ్ చేయడం కథలో కీలక మలుపు అని తెలుస్తోంది. ఈ ప్రయాణం వేర్వేరు కాలాల్లోకి వెళ్లి రామాయణ కాలాన్ని కూడా తాకుతుందని సమాచారం.

ఈ భాష కోసం ఒక ప్రముఖ భాషా నిపుణుడిని నియమించినట్టు తెలిసింది. వ్యాకరణ నియమాలు, పద నిర్మాణం, స్పష్టమైన లిపిని డిజైన్ చేస్తున్నారు. గతంలో బాహుబలి చిత్రంలో కిలికి అనే ప్రత్యేక భాషను రాజమౌళి పరిచయం చేశారు. ఈసారి ప్రతి అక్షరానికి, ఉచ్చారణకు ఒక రూపం ఇచ్చే ప్రయత్నం చేస్తున్నట్టు సమాచారం.